Կիտրոնի օգտագործման քիչ հայտնի 10 տարբերակ. 1in.am

healthyliving.com.ua-ն ներկայացնում է կիտրոնի օգտագործման 10 յուրահատուկ տարբերակ, որոնք կստիպեն ավելի հաճախ գնել կիտրոն:

Եղունգների սպիտակեցում

Եղունգները 10 րոպեով դրեք կիտրոնի հյութի մեջ, հետո լվացեք 1/2 բաժակ քացախից և 1/2 բաժակ տաք ջրից բաղկացած հատուկ լուծույթով: Եղունգները սրբեք չոր թղթե սրբիչով: Այդ խնամքը կսպիտակեցնի ու կամրացնի եղունգները:

Սև կետերից ազատում

Մի քանի օր քնելուց առաջ մաշկը սրբեք կիտրոնի հյութով: Դեմքը բավականին կմաքրվի: Այս գործողությունը պետք է չգերազանցի մեկ շաբաթը, այլապես մաշկը գերչորացնելու վտանգ կա:

Մազերի բնական շերտաներկում (мелировка)

Մաքուր մազերը ողողեք կիտրոնի հյութով և ջրով՝ 1:3 հարաբերակցությամբ: Առավելագույն արդյունքի համար պետք է զբոսնել արևի ճառագայթների տակ: Չոր և դյուրաբեկ մազերի դեպքում այդ միջոցառումից ցանկալի է խուսափել:

Կտրտելու տախտակի մաքրություն

Կտրտելու տախտակի վրա կես կիտրոն քսեք և թողեք 20 րոպե, հետո լվացեք տաք ջրով: Դա կօգնի մաքրել, անցկացնել տհաճ հոտը:

Ճերմակ անկողնային սպիտակեղեն

Կիտրոնը կարող է անկողնային սպիտակեղենի բնական սպիտակեցուցիչ լինել: Լվացքի ժամանակ ավելացրեք 1/2 բաժակ կիտրոնի հյութ:

Առողջ կոկորդ

Կիտրոնը մրսածության դեմ հայտնի միջոց է: Եթե կոկորդը ցավում է, կես կիտրոնը պահեք վառարանի վրա, մինչև կեղևը դառնա ոսկեգույն-դարչնագույն: Հետո կիտրոնի հյութը խառնեք 1 թեյի գդալ մեղրի հետ և խմեք:

Մաքուր միկրոալիքային վառարան

Ջերմադիմացկուն պնակի մեջ խառնեք 4 ճաշի գդալ կիտրոնի հյութ և 1 բաժակ ջուր եւ դրեք միկրոալիքային վառարանի միջին հզորության պայմաններում` 5 րոպե: Այնուհետև ստացված լուծույթով սրբեք ներսի պատերը:

Սեղանի ձևավորում

Գործի դրեք երևակայությունն ու սեղանը զարդարեք ուտելի դեկորով. դա կարող է լինել կիտրոնի գեղեցիկ կտրտված կեղև, կիտրոնի շերտեր:

Թեփից մաքրում

1 ճաշի գդալ կիտրոնի հյութը քսեք թաց մազերին և գլխամաշկին, հետո գլուխը լվացեք շամպունով, այնուհետև ողողեք 2 ճաշի գդալ կիտրոնի հյութի և 2 բաժակ սառը ջրի խառնուրդով:

Թարմ սնունդ
Սնունդը փչանալուց պահպանելու համար պատրաստի ուտեստի վրա ցողեք կիտրոնի հյութ:

Հարցեր, պատասխաններ, մեկնաբանություններ